بازگشت

سأحه ر  واغتي  ياتمانگ ، ديله گ  چاغئدئر

اؤمور  يه ل ده ك  گه ليپ  گه چه ر ، يارانلار

آجال  ساقي  يؤرير ، غولوندا  جامي

اول  مه ي ده ن  خالايئق  ايچه ر ، يارانلار

اؤمور  گه ليپ گه چه ر ، بأش گون  دؤوراندئر

بأش  واغت  ناماز  حاقدان  بيزه   په رماندئر

جان غوشي  بو ته نده  بأش  گون  ميحماندئر

په رواز  اه ديپ ، حه رگون  اوچار ، يارانلار

آدامئنگ  آسلئني  سورسانگئز  لايدئر

يوزمونگ يئل ياشاسانگ ، بيرگوني  وايدئر

بو  دونيأ ، بيلسه نگيز ،  كؤنه  سارايدئر

خالايئق  كه روه ندير ، گه چه ر ، يارانلار

دايئم ديي ، حاق  يادي  بولسون  سوراغئنگ

ساپار اه تمه ك  گه ره ك ، توتغئل ، ياراغئنگ

بو  دونيأده  نيچه  يانسا  چئراغئنگ

آجال  يه لي  ده گيپ ، اؤچه ر ، يارانلار

بو دونيأ  ، بيلسه نگيز ، حاي _ و حؤوه سدير

اؤله رسيز ، آقئبه ت  بارچا  اه به سدير

بو  دونيأ  مؤمونه  زئندان _ قاپاسدئر

غارا  يه ر  بارچاني  غوچار ، يارانلار

سه ن  اؤله نگده ن  سونگرا  غالان  زورياتلار

اوغول _ غيزئنگ ، بارچا  قئلار  حايحاتلار

كه په نينگ  بويونگا  بيچه ر  خايياتلار

آخئره ت  اؤيوني  آچار ، يارانلار

ماغتئم غولي ،  تاحقيق  بيلگيل  اولاري

چونكي  گؤره ن  يوقدور  اؤلمه ي  غالاري

تانگرينئنگ  حاقيقات  سؤوه ر  غوللاري

دونيأني  گؤرونده ،  غاچار ، يارانلار